పుట:పద్మపురాణము (మడికి సింగన).pdf/41

ఉత్తరఖండము-ప్రథమాశ్వాసము

9

తే.⁠

గోరి భూజననయనచకోరములకుఁ దనవిహారంబు వెన్నెలతనుపు గాఁగ నురుతరైశ్వర్యలీలల నొప్పుచుండ [1]మంత్రివరుఁడైన కేసనమంత్రివిభుఁడు.

⁠ 39

చ.⁠

అతులితలీలఁ గేసనచివాగ్రణి ధర్మపురంబునందు నం చితముగ నన్నసత్ర మిడి శ్రీనరసింహున కుత్సవంబులున్ సతతమహోపహారములు సల్పుచు రామగిరీంద్రమందు సు స్థితి గుడిగట్టి విష్ణునిఁ బ్రతిష్ఠ యొనర్చె నుదాత్తసంపదన్.

⁠ 40

వ.⁠

[2]అదియునుం గాక.

⁠ 41

మ.⁠

అనఘాత్ముల్ మును పెక్కుభంగుల ధనం బార్జించి పాతాళమం దెనయం బాఁతుదు రూర్ధ్వలోకముల కంచేయూరి కేత్రోవరా యని మా కేసనకేశవేంద్రుగుడిపై నాచంద్రతారంబుగా నినతుల్యంబగు హేమకుంభశిఖరం బెత్తించె నత్యున్నతిన్.

⁠ 42

వ.⁠

మఱియును బహువిధంబులగు దానధర్మంబులను విలాసనీతి చాతుర్యవిద్యావినయంబులను ననురక్తుండై ముప్పడి క్షోణిపాలు నశేషరాజ్యభరణోద్ధరణపారీణుండును సపుత్త్రపౌత్త్రప్రవర్ధ మానుండు నగు కేసయామాత్యు కూర్మితమ్ముండు.

⁠ 43

సీ.⁠

స్వామిభక్తుఁడు గార్యచతురుండు బహుకళా        వేది నీతిజ్ఞుండు విప్రహితుఁడు సరససల్లాపుండు సప్తాంగరక్షణ        క్షముఁడు భావజ్ఞుండు సర్వసులభుఁ డరిమంత్రభేదనపరుఁడు ధర్మాత్ముండు        సుందరాకారుండు సుజనవినుతుఁ డురుదయాపరుఁడు నిత్యోత్సవాసక్తుండు       షడ్గుణాధారుండు సౌమ్యమూర్తి

⁠

1. మంత్రిమణియైన (మ-తి)
2. అట్లుం గాక (ము)