పుట:పద్మపురాణము (మడికి సింగన).pdf/191

ఉత్తరఖండము-చతుర్థాశ్వాసము

159

ఆ.⁠

కన్ను గాలులేని కష్టచరిత్రులు నడిగి కుడుచువారు ననద లగుచు ధర నపుంసకులును దైవకృతంబున వగల నొగులఁ గానవచ్చుఁ గాదె!

⁠ 95

ఆ.⁠

దానవంతులైన ధన్యులఁ దత్ఫలం బెన్నిగతులఁ బొందు నెచటనున్న నొల్ల మనిన మాన దుఱక పాపాత్ములఁ గీడునట్ల పొందుఁ [1]గీడుపఱచి.

⁠ 96

వ.⁠

అట్లు గాన నిగ్గిరియం దనేకబ్రహ్మరాక్షసపిశాచంబులు దిరుగు చుండు వానికి నొక్కొక్కయెడం గ్రాసంబు గలుగుంగాని పాపా త్ముండనైన నాకు నాహారంబు సంభవించనేరదని చెప్పి యప్పిశా చంబు వెండియు ని ట్లనియె.

⁠ 97

ఆ.⁠

నీవు వెఱవవలదు నిఖిలభూతప్రేత తతులవలన నిచట ధర్మచరిత! విష్ణుభక్తి కలిమి వెలసిన నీ దిక్కుఁ దేఱిచూడ వెఱచు నూఱడిల్లు.

⁠ 98

వ.⁠

మఱియును భూతప్రేతపిశాచరాక్షసయక్షగంధర్వకృత్యా కూశ్మాండవినాయకాదిగ్రహంబులు విష్ణుభక్తుండును శుచియు నగు బ్రాహ్మణునిం గని దూరంబునఁ దొలంగిపోవు గ్రహనక్షత్ర దేవత లతని రక్షింతు రట్లు గావున.

⁠ 99

క.⁠

హరినామము నీనాలుకఁ దిరముగ వర్తించు వేదతీర్థమయుఁడ వీ వరయఁగ నటు గావున సు స్థిరమతి వర్తించు మిచట ధీరవిచారా!

⁠ 100

1. గీడ్వరించి (ము), గీడ్పరించి (మ-తి)