పుట:పంచతంత్రి (భానుకవి).pdf/96

తృతీయాశ్వాసము

⁠

శ్రీనాథచరణకమల ధ్యానపరాయణ! బలారిదంతావళశు భ్రానమితకీర్తివర! ల క్ష్మీనారాయణ! కళావిశేషవిధిజ్ఞా!

⁠ 1

వ.⁠

సంధి విగ్రహంబను తృతీయతంత్రం బాకర్ణింపుము,—

⁠ 2

చ.⁠

మొదల విరోధియైన యతిమూఢుసఖిత్వము విశ్వసించినన్ దుదిఁ జెడిపోవు భూవిభుఁడు, దొల్లి గృహాంతరఘూకపంక్తి యొ ప్పిదముగ వాయసప్రభుఁడు పేర్చిన భీకరవహ్నికీలలన్ మదమఱి కూలదే! యన కుమారు లదెట్లని తన్ను వేఁడినన్.

⁠ 3

క.⁠

ఆవిష్ణుశర్మ దృఢమతి జీవప్రతిమానుఁ డపుడు సెప్పెన్ దెలియన్ భావజనిభరూపుల కా భూవరపుత్రులకు వేడ్క భూరిప్రీతిన్.

⁠ 4

సీ.⁠

తనశాఖ లేర్చి మార్తండునితేరిప                     ద్ధతికి మిక్కిలి విరోధం బొనర్ప తననీడ ధారుణీధవళాయతాక్షికి                     నాతపత్రక్రియ నతిశయిల్ల తనకోటరములు పతంగపుంగవులకు                     నెంతయుఁ జెలువొందునిండ్లు గాఁగ తనఘనమూలసంతాన మశ్రాంతము                     శేషుతోఁ బాయనిచెలిమి సేయ

⁠

ఆ.⁠

ప్రళయవేళ నైన పత్రమాత్రనె విష్ణుఁ బ్రోవఁ ౙాలుననుచు బుధులు దలఁప నొక్కయడవి నడుమనుండుఁదావలముగ పటము భవనవినుతజటము నగుచు.

⁠ 5