పుట:పంచతంత్రి (భానుకవి).pdf/8

ననే కాని పురుషార్థవివేకము సిద్ధింపదు. మనుష్యజీవితవ్యవధి యత్యల్పమును, అనిశ్చితమునుగాన చిరకాలపరిశ్రమసాధ్యములగు నీ శాస్త్రములను విడిచి సులభమార్గమునఁ బిన్నలకు సకలనీతిశాస్త్రసారమును దెలిపి, బోధాన్వితులను జేయుటకై విష్ణుశర్మ ఈ నీతిశాస్త్రసంగ్రహమును రచియించెను.

నాఁటినుండి యీ గ్రంథ మొకభారతదేశమునందేకాక, పరదేశభాషలయందుఁ గూడఁ బరివర్తితమై మిగులఁ బ్రయోజనము కలదగుటవలన, బహుళప్రచారము గలదయ్యెను.

ఆంధ్రీకరణపద్ధతులు

తెనుఁగునఁ జంపూరూపమునఁ బరివర్తితములైన పై మూఁడు గ్రంథములయొక్క యాంధ్రీకరణపద్ధతులను, ఒండొంటితోఁ బోల్చి యించుక పరిశీలించుట యిట నప్రస్తుతము కాదు.

క.⁠

కోపప్రసాదగుణములు భూపాలునియందుఁ దెలిసి బుద్ధి నధికుఁడై చాపలవిరహితహృదయుం డై పెంపునఁ గొలువ నధికుఁడగు సేవకుఁడున్.

⁠

—భానయ

క.⁠

కోపప్రసాదచిహ్నము లే పార్థివునందు భృత్యుఁ డెఱిఁగి చరించున్ దీపించి వాఁడు నృపుచే నేపారఁగ మంతుకెక్కు నెక్కుడు కరుణన్.

⁠

—నారాయణకవి

క.⁠

కోపప్రసాదచిత్త వ్యాపారము లెఱిఁగి కొలిచి వర్తిల్లు భటుల్ భూపాలబాహుశాఖా రోపితులై యుంద్రు చనవు రొక్కంబవుటన్.

⁠

—వేంకటనాథుఁడు