పుట:పంచతంత్రి (భానుకవి).pdf/76

గీ.⁠

పడఁతి! నీకల్మషమ్ములు వాయఁ బుడమి సురుల కిడు నీగృహమ్మెల్లఁ జూఱవిడిచి బోడితలతోఁడ నేతెమ్ము పొమ్మ, టన్న నది ముదంబునఁ దద్విధం బాచరించి.

⁠ 345

వ.⁠

మగుడి చనుదెంచినం, జూచి నితాంతకౌతుకమ్మున నమ్మహా లింగం బుభయపార్శ్వమ్ములఁ బత్రకుసుమమ్ములు వాయఁ జంద్ర ఖరుం డిదె వెడలి చనుదెంచుచున్నవాఁ డని గణికారత్నం బన్యకాంతల కెఱింగింప, నతి రయమ్మునఁ వెడలి తద్ద్వారశాఖిశాఖాగ్రమ్మున వ్రాలి, దానిం జూచి యారాజకీరం బిట్లనియె.

⁠ 346

ఆ.⁠

కైతవమున కధికకేతవం, బాదరం బునకు నాదరంబు, పొందుఁబొసఁగు,— పక్షములకు నన్ను బాపిన, నాకు, నీ శిరము ముండనమ్ము సేయఁజనదె!

⁠ 347

మ.⁠

అనిన, న్వారవధూటి ఘోరతరశోకాంభోనిధిం దేలుచున్ మునుఁగం బారుచునుండె నెచ్చెలులు తన్నుంజూచి దైన్యమ్మునన్ వనరం దద్విధమెల్ల భూపతి, జనవ్రాతంబు, నా లోపలన్ విని హర్షం బొనరింపఁ, గీర మటవీవీథిం జరించెన్ దగన్.

⁠ 348

వ.⁠

అది గావున వృషభేంద్రుండు హితం బాచరించిన, నీవును హితం బాచరించితివి. కపటోపాయమ్మునం జరించిన, నీవును గపటోపాయమ్మునం జరించి పొరిగొంటివి. నీకు వృథాశోకం బేమిటికి! ధరిత్రీకళత్రులకుం బుత్ర మిత్రభ్రామికంబు వలవదు. భుజబలపరాక్రమంబ, కారణంబు. యిట్టి వ్యాపా రంబు పూర్వరాజులయందుఁ బ్రసిద్ధంబని తెలిపిన విని కంఠీరవేంద్రుండు దమ నకువాక్యం బంగీకరించి రాజ్యసుఖమ్ము లనుభవింపుచు సమస్తజన మ్ములు గొల్వ సుఖంబుండె, నంతఁ గరటకదమనకు లతనియొద్దనే యుండిరని రాజకుమారులకు విష్ణుశర్మ యెఱింగించె నంత.

⁠ 349

శా.⁠

సారాసారవిచార! నూత్నభరతాచార్యాంక! మార్తాండతే జోరాజత్సుకుమారవిగ్రహ! దిశాశుండాలగండస్థలీ ధారాళప్రగళన్మదోదకభవోద్యత్కాళిమా[ంకేందు] వి స్తారశ్వేతయశోవిశాల! కరుణాచంచత్కటాక్షేక్షణా!

⁠ 350