పుట:పంచతంత్రి (భానుకవి).pdf/146

క.⁠

అని సస్యనేని పతికిని ఘనముగ నెఱిగించినట్టి కథనమును వేడ్కన్ బని వడగ విష్ణుశర్మయు నెనరున సౌదర్శనులకు నెఱుఁగఁగఁ జెప్పెన్.

⁠ 49

వ.⁠

ఇట్లు విష్ణుశర్మ సుదర్శననరేంద్రనందనులకుఁ బంచతంత్రమ్ము లెఱింగించి వారల నీతిశాస్త్రకోవిదులం జేసెనని,—

⁠ 50

సీ.⁠

పంపావిరూపాక్ష, భైరవ, విఠ్ఠలే                     శ్వర, ముఖ్యదేవతావ్రజముచేత, పరిపంథిగర్వవిభాళన, శ్రీకృష్ణ                     రాయభూధరభుజారక్షచేత, భటనటజ్యౌతిషపౌరాణికభిషగ్వి                     చక్షణసత్కవీశ్వరులచేత, సంతతమదవారిచారుశుండాలఘ                     టాజవప్రకటఘోటములచేత, రమ్యమైయున్న విద్యాపురమ్మునందు, నిమ్మహాకృతి భానుకవీశ్వరుండు తెనుఁగుబాస నొనర్చెను వినుతి కెక్క నవని నాచంద్రతారార్క మగుచుఁ దనర.

⁠ 51

శా.⁠

దానాంభస్తటినీవివర్ధితసముద్రవ్రాత! దోఃఖడ్గధా రానిర్భేదనదర్పశుంభదసుహృద్రాజన్యసర్వాంగ! యో షా౽నూనప్రసవాస్త్ర! సూక్ష్మలిఖితాచార్యాంక! పద్మాధవ ధ్యానానందితచిత్త! పార్వణసుధాధామాభకీర్తిచ్ఛటా!

⁠ 52

క.⁠

తారాచలతారాధిప శారదనీరదలసద్యశఃకర్పూరా పూరితవిధ్యండకరం డారూఢ! రమానిరంతరాంచితసదనా!

⁠ 53