పుట:పంచతంత్రి (భానుకవి).pdf/137

పంచమాశ్వాసము

గ్రంథపాతము

ఆ.⁠

............................................. ............................................. ..............................ల్లఁ దిరుగున కులము గాంచి శోకకలితుఁ డగుచు.

⁠ 1

చ.⁠

నకులము నాత్మ నమ్మి నరనాథునియొద్దకు బోవునంత, న ర్భకుని వధించె, దీని జముపాలికిఁ బుచ్చెదనంచు ఱోఁకటన్, బ్రకటితరోషుఁడై యడంచి ప్రాణములం బెడబాపి, యింటిలో నికిఁ జని కాంచె నంత, ధరణీసురముఖ్యుఁడు సర్పఖండముల్.

⁠ 2

క.⁠

వెండియుఁ బొదిగిఁట నాడుచు నుండిన బాలకునిఁ జూచి, యుర్వి నకాండో ద్దండతర [కోపవశతను] దండించితిఁ జూడ నివ్విధంబున, నకటా!

⁠ 3

సీ.⁠

చిఱుగజ్జెమ్రోఁతలు చెవుల పండువు గాఁగఁ                     దేఁకువ వెనుక నేతెంచు విధము, చప్పు డాలించి మీసలు దీటుచునుఁ జెంతఁ                     గూర్చుండి, నిక్కి కన్గొను తెఱంగు, కలుఁగుల విహరించు నెలుకలుతండమ్ము                     నెమకి పట్టుకవచ్చు నేర్పు కలిమి, విషవైద్యుఁ డాడించు విషధరమ్ముల ఘర్ఘ                     రారావమున డాయ నరుగు బాగు, దలఁచి మదిలోన నెట్లోర్తు దైవ మిట్టు చేసె, నానేర మెంతని చెప్పవచ్చు! కలుషవశత నసంప్రేక్ష్యకారినైన నన్ను దిగనాడిపోయితే! నకులముఖ్య!

⁠ 4