పుట:పంచతంత్రము (బైచరాజు వేంకటనాథుడు).pdf/89

చ.⁠

ఉరి విహగవ్రజంబునకు [1]నోదము దంతికి ముందు చిల్వకుం బరుషతమోగ్రహగ్రహణబాధ సుధాంశున కంశుమాలికిం బరమదరిద్రతాప్తి మతిమంతులకుం గలగంగఁజేసె నె వ్వరు సవ తిందు నందు బలవంతుఁడు పో విధి నాకుఁ జూడఁగాన్.

⁠ 30

చ.⁠

గగనమునం జరించుపతగంబు లగాధసముద్రవారిలోఁ దగ విహరించుమీలు వలతండములం బడి చచ్చు నవ్విధిన్ దెగి చన స్థానశక్తి గలదే వల దేర్పడఁ జింత దీనికై తెగు నెడ కెంతదవ్వయినఁ దెచ్చుగదా విధి దేహధారులన్.

⁠ 31

క.⁠

అని [2]యాఖులేఖపతి నె, మ్మనమున నస్తోకశోకమగ్నుండై వ చ్చిన యచ్చెలికానిఁ దగు, ల్కొనినయనాయాంశ మెచ్చి కొఱుకుచునుండెన్.

⁠ 32

వ.⁠

అప్పు డవార్యధుర్యతుహినగ్రావుండగు చిత్రగ్రీవుండు సుహృల్లోకశరణ్యుండగు హిరణ్యకున కిట్లనియె.

⁠ 33

క.⁠

పరహితచరితా యస్మ, త్పరివృతబంధములఁబోలెఁ బరిచరబంధో త్కర మేల నఱుక విప్పుడు, పరివారములేనిభూమిపతి పూజ్యుండే.

⁠ 34

క.⁠

సిరి గూడదు కూడినఁ బదు, గురుగలవాఁ డడఁచి పుచ్చుకొనుఁ బరవీరుల్ సరకుగొనరు సిరి దక్కదు, పరివారము లేనిరాజు బ్రతుకునె పొడవై.

⁠ 35

వ.⁠

అరునప్పలుకుల కలరి హిరణ్యకుండు.

⁠ 36

క.⁠

హితభృత్యులతో నేభూ, పతి కలఘుస్నేహసంవిభాగము లమరున్ బ్రతివాసర మతఁడు బలో, ద్ధతుఁడై పాలించుఁ జువ్వె త్రైలోక్యంబున్.

⁠ 37

క.⁠

పరివారముపట్టున నా, దరలేశము లేని భూమిధవుఁ డభివృద్ధిం బొరయఁడు సంతతి కెడసిన, పురుషునివంశంబు నష్టిఁ బొందినభంగిన్.

⁠ 38

చ.⁠

అదననుజీవితం బిడమి యారజమాడుట లేనినేరము ల్వెదకుట నిచ్చ న్పరిభవించుట కింకరసంకులంబు నె మ్మదికి నసహ్య మౌట దయ మానుట [3]పిమ్మటనాడికో ల్మహీ పదవికిఁ బాసి యొంటిపడు బాటులఁ బొందు నృపాలుచిహ్నముల్.

⁠ 39

ఆ.⁠

సైన్యధాన్యబంధుసమ్మర్ధముల నెవ్వఁ, డోర్సు గలిగి పుడమి నుల్లసిల్లు నతఁడు సూవె నీడజాధీశ వసుమతీ, హిమమయూఖవదన కింటిమగఁడు.

⁠ 40

క.⁠

అని బలికి జాలగుణము, ల్దునియలుగాఁ జేసి ఖగపతుల వెడలించెన్

⁠

1. ఓదము = ఏన్గులు కూలుటకై మఱుఁగుపుచ్చినగొయ్యి
2. ఆఖులేఖపతి = మూషకేంద్రుఁడు
3. పిమ్మటనాడికోలు = నున్నమొగము చా టైనతర్వాత దూషించుట