పుట:పంచతంత్రము (దూబగుంట నారాయణ).pdf/49

సీ.⁠

ప్రాలేయభూధరప్రాంతకాంతార                 దేశభాసురసరిత్తీరములను దాలతమాలతక్కోలహింతాలాది                 రాజతానేకమహీజములను గిసలయవిసరసంకీర్ణనానాలతా                 మంజులోదారనికుంజములను నిరుపమానతరంగిణీవేగసంజాత                 మహనీయసైకతమంటపముల

⁠

తే.⁠

సొరిది విహరించుకపు లొకచోటఁ గూడి కడిది చలిచేత మేనులు గడు వడంక రాత్రి మెఱుఁగారుఖద్యోతరాజిఁ జూచి కణఁకు గాఁబోలు నని సీతుగాఁచుచుండ.

⁠ 495

క.⁠

సూచిముఖ మనువిహంగం బాచేరువనుండి యనల మది గా దని యా లోచనము చేసి యొకకపి కాచందము తెలియఁ జెప్ప నతికుపితంబై.

⁠ 496

ఆ.⁠

అడుగ కూర కేల నొడివితి విప్పుడు వట్టితీఁట నీకుఁ బుట్టె ననుచుఁ బట్టి దాని రాతిపైఁ బ్రామి వధియించె హీనమతికి బుద్ధు లేలకొలుపు.

⁠ 497

వ.⁠

అట్లు గావున.

⁠ 498

చ.⁠

అనవరతంబు విశ్వవినుతాయతబుద్ధి విశేషవృత్తి నొం డెను ధనవృత్తి నొండెను గడిందిబలంబున నొండె నెవ్వఁ డిం పెనయఁ గులంబువారల నహీనగతిన్ భరియించు నట్టినం దనుని ముదంబునం గనినతల్లియ తల్లి ధరాతలంబునన్.

⁠ 499