పుట:నారసింహపురాణము - ఉత్తరభాగము (హరిభట్టు).pdf/98

236

ఆంధ్రసాహిత్యపరిషత్పత్త్రిక

సంపుటము 13

శా.⁠

ఆ కాలంబున నొక్కనాఁడు చతురంగాభీలకోలాహలో త్సేకం బంబుధిఘోషముం బొదువ నిస్త్రింశోగ్రరోషాగ్నియై నాకౌకఃపతిమీఁద దాడి వెడలె న్నానాసురాధీశసే నాకోటుల్ భజియింప నమ్మనుజభుఙ్నాథుం డసాధూద్ధతిన్.

⁠ 14

సీ.⁠

ధణధణంధణమ్రోయు తమ్మటధ్వానంబు వ్రయ్యలుగా మిన్ను వ్రచ్చివైచె నినమండలము గప్పె నిసుమంతయును గానరాకుండ సేనాపరాగరాజ కనుమోడు పొదవించె ననిమిషాంగనలకు శాతాస్త్రచయ చాకచక్యగరిమ భరము తాళఁగలేక ప్రథమకచ్ఛపరాజు వికలుఁడై యొక్కింత వెన్ను వంచె మ్రొగ్గె దిగ్గజములు శైలములు చలించె, రాలెఁ దారలు జలరాశి దీటపడియె దనుజనాయక దండయాత్రామహోగ్ర, వీరరసవిభ్రమస్ఫూర్తి గారుకొనఁగ.

⁠ 15

క.⁠

ఆదేవవిభునిపైఁ బ్ర, హ్లాదుఁడు చనుపూన్కి వలవ దని పల్కెడుమ ర్యాద ఘనఘటలఁ దోఁచె, న్మేదురనాదములు దిక్సమితి చెవుడుపడన్.

⁠ 16

క.⁠

నభ మెల్ల నిండి రక్షో, విభుసైన్యము కామరూపవిభ్రమమున న కుభితగతి వచ్చుపూనికి, సభయుంగావించెఁ బాకశాసను నంతన్.

⁠ 17

చ.⁠

కొలువున నుండి దేవపతి కూర్చుదిశాపతులు న్మరుద్గణం బులు వసురుద్రకోటులుఁ బ్రబుద్ధులు వృద్ధులు నైనవారు వీ నుల నిడి మేలుమే లన వినూతనసూక్తుల దేవతాగురుం బలుకు గభీర[1]కంఠరవభర్త్సితనీరదగర్జనంబుగన్.

⁠ 18

మ.⁠

హరినామస్మరణంబు శ్రీహరిపదధ్యానానుసంధానమున్ హరిదాస్యంబు హరి న్భజించుటలు నిత్యాచారము ల్గాఁగ భూ సురసంప్రీణనము న్సురావనము నస్తోకోన్నతిం జేయు లౌ ల్యరజోగర్వవిముక్తబుద్ధి యగుఁ బ్రహ్లాదుం డభేదోన్నతిన్.

⁠ 19

ఉత్సాహ.⁠

అతనిధర్మ మిన్నినాళ్లు నసురభయవిదూరతో న్నతి వహించి విభవభోగనయసమున్నతిం జగ త్రితయ ముదయ మొందె నిపుడు దివిజవిమతదుష్టవా గ్వితతి నతఁడు సత్త్వగుణము విడిచి యడిచిపాటుతోడన్.

⁠ 20

క.⁠

హరిమీఁద మనలమీఁదం, బరుషత వాటించెనఁట యపారబలముతో నరుదెంచుచున్నవాఁ డట, కరణీయం బెద్దియో యకల్మషచరితా.

⁠ 21

1. కందరవభర్జిత