పుట:నారసింహపురాణము - ఉత్తరభాగము (హరిభట్టు).pdf/91

సంచిక 2

నారసింహపురాణము. ఆ-3

117

గీ.⁠

అసురనందను దోఃప్రతాపాగ్నిశిఖల, వెట్ట కోర్వఁగఁ జాలక [1]తొట్టగిలుచు నపరవారిధిజలమగ్నుఁ డయ్యె ననఁగ, నస్తమించె దివాకరుం డంతలోన.

⁠ 171

క.⁠

హరిణాక్షీనయనద్యుతి, హరిమణిదళదుత్పలప్రియంభావుకభా స్వరనైల్యగుణము లన్నియుఁ, బరువడి సురమార్గమహిమఁ బాటింపంగన్.

⁠ 172

క.⁠

మాసినయద్దంబులక్రియ, గాసిల్లెన్ హరిదిభేంద్రకటభాగంబుల్ వాసి వదలి నలువయు సం, త్రాపంబున బుద్ధి గలఁగి తహతహనొందెన్.

⁠ 173

క.⁠

మొక మడిచినఁ గానఁగలే, కొకవస్తువు నిట్టి దనఁగ నోడిరి లోకుల్ శకలితహరిహయమణికో, రకములలో నణఁగి రనఁగ రాత్రిటివేళన్.

⁠ 174

సీ.⁠

హేషారవంబులు నెఱుఁగంగ దగుఁగాని తురగరూపంబులు తోఁపవయ్యె విపులఘీంకారము ల్విని తొలంగుటె కాని తెలియంగరావయ్యెఁ గలభఘటలు చక్రనేమీరవ[2]ప్రక్రమంబునె కాని తిలకింపరాదయ్యెఁ [3]దేరిపిండు స్వరమున భటునిపే రరయుమాత్రమె కాని దర్శనస్పర్శనస్థైర్య ముడిగె దృష్టిగోచర మెల్ల నదృష్ట మయ్యె, మిన్ను మున్నును గోవెలవన్నె యయ్యె గరవటమునిండ నించినకజ్జలంబు, కరణిఁ జీఁకటి బ్రహాండఘటము నిండె.

⁠ 175

క.⁠

ఆపంబినతిమిరంబుప్ర, తాపంబున సకలభువనదర్శన మాఁగన్ దీపస్తంభము లెత్తిరి, యాపటమండపములందు నసురేంద్రభటుల్.

⁠ 176

సీ.⁠

కరచపేటంబుల గాడాంధకారసింధురకుంభములు వ్రచ్చి విరియఁ జేసి తారకామిషమునఁ దనౌక్తికంబులు పలుదిక్కులందునఁ బాఱఁజల్లి కాఱు తద్దేహరక్తముచాయ నవసాంధ్యరాగవిలాసంబుఁ బ్రోగుచేసి తద్వధదోషంబు తగిలెనో యన మేన మృగచిహ్నగరిమంబుఁ దగులుకొలిపి నిగిడె గర్పూరపన్నీరనీర, హారనీహారహారిచంద్రాతపములు వసుమతీచక్ర మఖిలంబు వాడుఁ దేర్పఁ, గైరవప్రియబింబప్రకాశమహిమ.

⁠ 177

క.⁠

ఈకరణిఁ జంద్రికాపరి, పాకము లోకముల కెల్లఁ బరమానందో త్సేకంబు సేయ దానవ, లోకాధీశ్వరుఁడు మిత్రులును దా నలరెన్.

⁠ 178

వ.⁠

ఆసమయంబున సూచీముఖశూర్పకర్ణవికటధూమ్రాక్షకపిలాక్షులు మొదలై కదలక యేప్రొద్దుం దన్నుం గొలిచి యున్న యన్నిర్జరారులం గనుంగొని ప్రహ్లాదుం డి ట్లనియె.

⁠ 179

ఉ.⁠

ముందఱికార్య మిద్ది మనముం జతురంగబలాన్వితంబుగా నిందుల కేగుదెంచితి ముదీర్ణులు మీరలు కర్ణధారు లై

⁠

1. తొట్రగిలుచు
2. ప్రక్రమంబ్బయ్యె
3. తేరుమిండు