పుట:నారదీయపురాణము (అల్లాడు నృసింహకవి).pdf/638

నారదీయపురాణము

అష్టమాశ్వాసము

క.⁠

శ్రీమాన్యజాంబవత్క న్యామానసరాజహంస! హంసోత్తంసా రామవసంతగుణాశ్రయ! సోమాన్వయవరవిభూష! శోభనవేషా!

⁠ 1

వ.⁠

అవధరింపుము. సూతుండు శౌనకాదులకు హరికథాసుధావ్రవా హంబు వెల్లివిరియ నిట్లనియె ననిన వారలు నిజశాస్త్రధౌరంధర్య ప్రాగల్భ్యంబున వచ్చి నిలిచిన యప్పుడు.

⁠ 2

క.⁠

పూర్ణబ్రహ్మానందో దీర్ణ పరంజ్యోతిరిద్ధతేజోమహిమా కీర్ణ శుభాకారశ్రీ నిర్ణిద్రస్ఫూర్తి సుతుఁడు నిలిచెన్ సభలోన్.

⁠ 3

వ.⁠

నిలిచి.

⁠ 4

సీ.⁠

పాషండమతగర్వపర్వతంబులమీఁద                        దంభోళియై మహోద్ధతి వహించి చార్వాకమతమహాసాగరావళిమీఁద                        నౌర్వానలస్పూర్తి నాక్రమించి బౌద్ధదంతావళోద్భటఘటార్భటిమీఁద                        సింహరాజంబుప్రసిద్ధి నెదిరి జైనమహారణ్యసంఘాతముల మీఁద                        నతులదావానలంబై స్ఫురించి

⁠

ఆ.⁠

కపిలాక్షపాదకాణాదవైరించ మతఘనాంధతమసమండలార్క మండలప్రకాండఖండనోద్దండత నట జయించె నా[1]కయాధసుతుఁడు.

⁠ 5

1. హిరణ్యకశిపుని భార్య