పుట:నారదీయపురాణము (అల్లాడు నృసింహకవి).pdf/639

వ.⁠

అప్పుడు యుక్తులు తోచక ప్రతివాదులు భంగంబు నొంద సుధాతరం గంబులైన వాక్కుల విజృంభించి యున్నయెడఁ దండ్రి రోషోద్ధతుండై యున్న భగవత్ప్రభావం బెఱింగించ నిట్లనియె.

⁠ 6

క.⁠

వినుము జనక! నిజసేవక జనకల్పకమైన యట్టి చక్రియశము శో భనమతులు వారు సన్నుతు లనిశంబు నొనర్చి ముక్తు లైరి ధరిత్రిన్.

⁠ 7

వ.⁠

అది యెట్లంటేని వాసుదేవవరంబైన జపంబు జపియించి ము న్నర్భ కుండైన ధ్రువుండు ధ్రువస్థానంబున బ్రహ్మాదిదివిజులకంటె మీఁదట నుండి నది యెఱింగించెద వినుము.

⁠ 8

ధ్రువుని చరిత్రము

తే. గీ.⁠

భవ్యవైభవుఁ డుత్తానపాదుఁ డనఁగ నాప్తబంధుండు మనకు గుణాధికుండు సాధురక్షణచణశక్తిచక్రధరుఁడు దుష్టశిక్షణచణశక్తిధూర్జటియును.

⁠ 9

క.⁠

ధ్రువుఁడు తనకుం దనూభవుఁ డవుట మహాధన్యుఁ డయ్యె నారాజున్ వై ష్ణవబంధుత్వంబు మహా ధ్రువపూర్వతపఃఫలంబు దొరకక యగునే.

⁠ 10

సీ.⁠

ధర్మాత్ముఁడైన యుత్తానపాదున కతి                        నీతిశీలునకు సునీతి యనఁగ సురుచి యనంగఁ దేజోరాసులైన భా                        ర్యలు గల రిరువు రుదారమతులు వారిలో సురుచిపై వర్తిల్లు మోహంబు                        రాజచంద్రునకు సర్వజ్ఞనిధికి నప్రియమై యున్న యాసునీతికి ధ్రువుఁ                        డను విష్ణుభక్తినిష్ఠాధికుండు

⁠