పుట:నారదీయపురాణము (అల్లాడు నృసింహకవి).pdf/547

తరల.⁠

క్షుధితుఁడైనను రాజపుత్రుఁడు ఘోరవైరిగృహాశనం బధిగమింపని యట్ల వైష్ణవుఁ డార్తుఁడై ప్రతికూలురన్ మధువిరోధివిరోధులన్ మదమత్తులన్ భజియించి తా నధికసంపద నందఁగాఁ దగదండ్రు తత్త్వవిదుత్తముల్.

⁠ 152

తే. గీ.⁠

ఒనర నీశానుకూలురై యున్న సాధు జనులఁ దచ్చిత్తవిక్షేపశంకఁ జేసి రూపణీయస్వభావానురూపభోగ్య భోగములకు నిరోధింపఁ బూనఁదగదు.

⁠ 153

క.⁠

నిపుణుండను భయసంపద నుపజీవించు[1]కొను యునికి యొప్పదు విష్ణుం డపరిమితవిభవుఁ డాశ్రితుఁ గృపతో రక్షింపఁడే యకించనుఁ డగుటన్.

⁠ 154

క.⁠

దాసానుదాసరక్షా భ్యాసముగల హరియుపేక్షయందునె చిత్తో ల్లాసమున నమ్మియుండుట దాసులకుం దగుఁ బ్రపత్తితాత్పర్యములన్.

⁠ 155

క.⁠

భగవత్సంకల్పంబున భగవత్ప్రతికూలజనులు భవదుఃఖములన్ దగులుదు రామీఁద మఱియుఁ దగులంగల రఖిలమోహతప్తాత్మకులై.

⁠ 156

వ.⁠

అర్జునసారథియగు కృష్ణుండు మద్ద్వేషుల నరాధముల సంసారం బునం ద్రోచెద నాసురయోనులం జనియింపంజేసెద నని యానతి యిచ్చె నట్లు గావున భగద్ద్వేషిపదార్థోపజీవనంబు వైష్ణవున కనర్ధ కంబు. విష్ణుద్రోహకారణం బగుటం జేసి దద్ద్రవ్యంబు విడువందగును.

⁠ 157

సీ.⁠

ఎవ్వనివలన ము న్నెవ్వఁ డర్థముఁ గాంచు                        నల్పమేనియు మఱి యధికమేని యొకనాఁడు తనకు నీకున్న నాతని నిష్ఠు                        రోక్తు లాడిన బాధ నొందఁజేయు

⁠

1. కొని