పుట:నారదీయపురాణము (అల్లాడు నృసింహకవి).pdf/233

క.⁠

సనకసనందనముఖ్యుల్ వినుతింపగ వివిధరత్నవిరచితసింహా సనమునను శేషశేషా శననిత్యులు గొల్వఁగాఁ బ్రసన్నత వెలసెన్.

⁠ 198

వ.⁠

ఉన్న హరికిం బ్రణామం బాచరించి.

⁠ 199

తే. గీ.⁠

మత్స్య కచ్చప సూకర మనుజసింహ వామన భృగుకులజ రాఘవ బలభద్ర బుద్ధ కల్కి హరి ముకుంద భువననాథ దీనరక్షక నీవు సూ దిక్కు నాకు.

⁠ 200

వ.⁠

అని యక్రూరుఁ డచ్యుతు నుతియించి యమున వెల్వడి వచ్చి రథంబున నున్న రామకృష్ణుల నవలోకించి కీర్తించి సూర్యనందనయందుఁ దాఁ గనినయట్టి యద్భుతంబు విన్నవించి మధురాపురప్రాంతంబున రామ కృష్ణుల నందాదులతో నునిచి నిజగృహంబునకుం జనియె. రామకృష్ణు లును మధురం బ్రవేశించి తత్పురవీథిం జనునెడ.

⁠ 201

చ.⁠

కనకలతాంగి యోర్తు హరిఁ గన్గొని కెంపులతళ్కు జాలిచే గొనుచును నేఁగెఁ బూను నెడఁగూడక వేడుక భర్మహర్మ్యమో హనశిఖరాగ్రవీథులకు [1]నార్తిని మూపున వాట్లఁబడ్డ వా రిని సమయంబునన్ విడుతురే యమరీసమరీతిమానినుల్.[2]

⁠ 202

మ.⁠

కలకంఠీమణి యోర్తు కృష్ణుఁ డటు రాఁగాఁ జూచి గోవర్ధనా చల మీ వెత్తుట యెంత యెత్తు మివె నాచన్గొండ లిట్లైన నీ బలసంపత్తి యెఱుంగవచ్చునని యొప్పన్ బిల్చె నాతళ్కుగు బ్బలు గాన్పింపఁగ సౌధవీథి నిలిచెన్ బంగారుబొమ్మో యనన్.

⁠ 203

వ.⁠

ఇట్లు వివిధోజ్జ్వలనిజచేష్టల నవలాలు చూడ నవలావణ్యధాళధళ్యం బుతో మథురాపురమధ్యంబున కేఁగుచు.

⁠ 204

1. నర్తను (పా)
2. ఈపద్యభావము విశదముగా లేదు.