పుట:ధనాభిరామము.pdf/39

ధ నా భి రా మ ము

సీ. వేదశాస్త్రాగమవిపులనానాధ్వర
          ప్రావీణ్యయుతు లైన బ్రాహ్మణులును
    బాహుబలాటోపపటువిక్రమోద్దండ
          జయరమాధిపు లైనక్షత్రియులును
    వివిధవస్తువ్రాతవిక్రయక్రయమహా
          వైభవోన్నతు లైనవైశ్యజనులు
    నిత్యధర్మక్రియాసత్యవిశేషవ
          చోవిశారదు లైనశూద్రవరులు
గీ. నటవిటానేకసామంతభటసుమంత్ర
   పుష్పలావికగాయకపుణ్యసతులు
   గలిగి యమరావతీపురి కలరు సాటి
   ధరణి సౌఖ్యంబులకుఁ జూటి దక్షవాటి.26

వ. ఇట్లు సకలసౌఖ్యములకు జన్మస్థానంబన సర్వంసహాకాంతకు
   దర్పణంబనఁ దనరి లోకాభిరామం బగుదాక్షారామంబుఁ
   గనుంగొని యత్యంత సంతోషాయత్తచిత్తుండై చిత్త
   జాతుండు దరియం జనునప్పుడు.27

సీ. కమనీయతరకచ్ఛపములు మీఁగాళ్లుగా
           సైకతస్థలికటిస్థలముగాఁగ
   భాసురావర్తవిభ్రమరీతి నాభిగా
           వరకోకములు కుచద్వయముగాఁగ
   విదితశంఖములయొప్పిదము కంఠమ్ముగా
           మోవి పద్మముసొంపు మొగముగాగఁ
   దళుకుబేడిసమీలు ధవళనేత్రములుగా
           నవకంపుఫేనంబు నవ్వుగాఁగ