ప్ర థ మా శ్వా స ము.
17
గీ. చటులసామంతమంత్రీశసరసవీర
భటనటానేకమంగళపాఠకాది
మహిమఁ గలుగంగఁ జేయును మానవులకు
ధనము చాలంగఁ గలిగిన ధరణిలోన.69
చ. మదనునిగాఁ దలంతు రిల మానిను లెల్లరు సత్కవీశ్వరుల్
పదపడి కర్ణుఁ డీతఁడని ప్రస్తుతి సేయుదు రెల్లదిక్కులన్
మదవదరాతివర్గములు మానుగఁ గవ్వడి యండ్రు భూప్రజల్
మదినరనాథుఁ డందురు సమస్తము ద్రవ్యముఖంబు చూచినన్. 70
క. చుట్టములు గానివారలు
చుట్టాలము మీకు ననుచు సొంపు దలిర్పన్
నెట్టుకొని యాశ్రయింతురు
గట్టిగ ద్రవ్యంబు చాలఁగలరే బంధుల్.71
క. కాదనరు ధనము గలిగిన
మేదిని నెటువంటివారి మెలఁకువ మనుజుల్
శ్రీదొలఁగిన నూరంచుల
కైదువ గలజోదునైనఁ గైకొన రెందున్. 72
సీ. వేదంబు లాగమవితతపురాణముల్
శాస్త్రంబు లితిహాససముదయములు
భాష్యంబు వేదాంతపద్ధతు లధ్యాత్మ
వాసనల్ యోగంబు లాసనములు
కావ్యజాలము లలంకారనాటకములు
పదములు నసమానపద్యసరణి
నియమంబులు కవిత్వనిర్ణయంబులు మంత్ర
మంజులగానముల్ తంత్రములును
