16
ధ నా భి రా మ ము
రసికుని గలయగ నొల్లరు
కుసుమాయుధకేళి నెంతకోవిధుఁ డైనన్.66
వ. మరియు ధనప్రభావంబు వినుము.67
సీ. ధన మింటిలో త్రవ్వి తండంబు లై యున్న
సకలధాన్యంబులు చాలగలుగు
ధాన్యంబు లింటిలో తరగక యుండెనా
యిచ్ఛాపదార్థంబు లెల్లగలవు
యిచ్ఛాపదార్థంబు లెల్ల భోగించిన
మదగర్వములు మేన ముదిరియుండు
మదగర్వములు మేన ముదిరియుండిన చాల
కామవికారంబులు కాలు ద్రవ్వు
గీ. కదిసియంతంత కామవికారములను
సతుల గవయంగ గోరుదు రతిముదమున
చక్కదనములు చతురత చక్కబెట్టు
కాగ ధనమూల మన్నియు కథల దేల.68
సీ. రాజిత శ్రీలచే రాజ్యంబు లేలించు
ఘనమైనదుర్గముల్ గలుగజేయు
నుత్తమాశ్వములను నొగిదోలి యాడించు
మదగజంబుల నెక్కి మలయజేయు
పసమించు బంగారు పల్లకీలెక్కించు
నాందోళికంబుల నలర జేయు
ధవళంపు ముక్తాతపత్రముల్ బట్టించు
వింజామరంబులు వీవజేయు
