శ్రీరస్తు.
ధనాభిరామము
పీఠిక
శా. శ్రీధాత్రీధరకన్య కారమణు దాక్షిణ్యాంబుధిన్ సర్వలో
కాధారున్ ఫణిరాజకంకణుని చంద్రాకల్పు సర్వజ్ఞు స
ద్బోథానందకరైక భక్తహృదయాంభోజాతవాసున్ వచో
మాధుర్యంబున దక్షవాటిపురి భీమస్వామి చింతించెదన్. 1
చ. ఒసపరి యింద్రనీలములయెప్పు నటించెడి మేనికాంతితో
ముసలగ దాసి శూలకరముద్గరకుంతశ రాసనోగ్రప
ట్టెసపటుఖేట కావళివడిన్ దనహస్తమునన్ వెలుంగఁగా
పొసగిన మేటివేలుపని పూని భజించెద వీరభద్రునిన్. 2
ఉ. కోరికమీర పాల్కడలికూఁతునకున్ వలకన్ను గీటి యిం
పారగ ధారుణీసతికి నావలి దాపలికన్ను గీటి తా
వారికి వారిలోపలను వాదముఁ బుట్టఁగజేసి నవ్వుతో
నూరక యుండువిష్ణు జలజోదరు గొల్చెద భ క్తితోడుతన్ . 3
చ. పలుకులబోఁటితోఁ గలసి భావమునం దరలేక నిచ్చలున్
వలపులరాజు కయ్యమున వాడిమిఁ జూపి సుఖాబ్ధి దేలుచున్
కలయ చరాచరంబుల సుఖస్థితిమై సృజియించు ప్రోడయం
న్నలువ దలంచి మ్రొక్కెద మనంబున కోరికె లంకురింపగన్ . 4