పుట:దశరథరాజనందనచరిత్ర (మరింగంటి సింగరాచార్య).pdf/71

శ్రీమతేరామానుజాయనమః

దశరథరాజనందన చరిత్ర

(ప్రథమాశ్వాసము - కృత్యాది)

సీ.⁠

[1][2]సిరివరించినమేలు గిరిధరించినకేలు              దనరువాఁడు శుభోక్తి [3]నొనరువాఁడు, చిలువరాయనిపాన్పు నలువపాయనికాన్పు              [4]గలుఁగువాఁ డసురుల కలుఁగువాఁడు, పులుఁగు తత్తడిపోక జిలుఁగు పుత్తడికోక              గట్టువాఁ డమరుల పట్టువాఁడు, తెలిదిన్నెపైఱచ్చ మెలిగొన్నయెదమచ్చ              [5]మెఱయువాఁడు కృపాబ్ధి నెఱయువాఁడు,

⁠

గీ.⁠

హాటకనిశాటవక్షఃకవాట వాట [6]పాటనోచ్ఛట శతకోటి పటలచటుల శితనఖంబులవాఁడు లక్ష్మీనృసింహుఁ డెలమి మాయిలవేలుపై నిలుచుఁగాక.

⁠ 1

గీ.⁠

శ్రీసుకర్పకథాముఁడౌ శ్రీనృసింహు సిరుల వక్షస్స్థలంబున శ్రీయనంగ వెలయు శ్రీరాజ్యలక్ష్మి సేవించి దినము మదిని భావించి నుతియింతు మమత నెలమి.

⁠ 2

1. శ్రీరామాయణియాసనాంబుజముపై శృంగారము ల్గుల్కఁ గ
   స్తూరీబిందుమరందవాసనలకున్ సొంపారు భృంగమ్ములో
   నా రంజిల్లెడు చూడ్కులం దన ప్రియానందాబ్థి నోలాడు మా
   వీర శ్రీ నరసింహుఁ డెల్లపుడు నుర్విన్ మమ్ము రక్షించుతన్.
   (సారస్వతసర్వస్వమున ప్రథమాశ్వాసము ఈపద్యములో ప్రారంభము)
2. సిరిధరించిన (సా)
3. దనరువాఁడు (సా)
4. గలుగువాఁడును సిరుల్ గలుగువాఁడు (సా)
5. నెరయు (సా)
6. పాటనోద్యమ(ము)