84
దశకుమారచరిత్రము
బోఁడిగ రక్షింపుము పూఁ
బోఁడిని వేఱొక్క యెగ్గు పుట్టకయుండన్.148
వ. అనిన విని యత్తన్వి చిత్తంబున నూఱడి మగుడం జనియె
నతండునుం గుసుమబాణతూణీరాయమానమనసుం డగు
చు నిలుపోపక యవంతిసుందరిం జూచినకందువలకుం
బుష్పోద్భవానుగతుం డై యరిగి తత్ప్రదేశంబున.149
క. ఇచ్చటఁగాఁ జనుదెంచితి
మిచ్చో టచ్చెలుప యున్న యెడ మనలం దా
నిచ్చమెయి బాలచంద్రిక
యిచ్చోఁ దగవుమెయిఁ బిలిచె నింతిం జేరన్.150
ఉ. ఎప్పుడు చింత వాయునొకొ యిందునిభాననయాననేందు విం
కెప్పుడు నాదుచూడ్కులకు నింపొదవింపుచుఁ దోఁచునొక్కొ నా
కెప్పుడు కోర్కు లెల్ల కఱ వేదఁగ జన్మఫలంబు నొందఁగాఁ
జొప్పడునొక్కొ యంచు నృపసూన్యుడు నెచ్చెలిమీఁద వ్రాలుచున్.151
సీ. లోలాక్షి తన్ను నాలోకించు నెఱుకువ
భావించి నెమ్మది బమ్మరించుఁ
బడఁతుక పొందు చొప్పడుటకు నెమ్మెయి
వెరవు గానక యెద విహ్వలించు
నింతికి నింతకుఁ గంతుబాణంబుల
నెగ్గు పుట్టునొ యంచు బెగ్గలించు
దనమ్రోల రాజనందనలీల నున్న యా
చందంబు దోఁచిన సంభ్రమించు