శ్రీరస్తు
దశకుమారచరిత్రము
ద్వితీయాశ్వాసము
శ్రీశ్రితవక్షునకు నుదా
త్తశ్రౌతస్మార్తకర్మతత్పరమతికిన్
విశ్రుతవిశ్రాణునకును
నాశ్రితభరణునకుఁ దిక్కనామాత్యునకున్.1
వ. అభ్యుదయపరంపరాభివృద్ధిగా నా చెప్పంబూనిన కథానికా
యం బను (సుర)లతాజాలం బెట్టి దనినఁ దదీయకందం బైన
కుసుమపురంబున కధీశ్వరుం డైన రాజహంసమహీవల్లభు
వృత్తాంతంబును రాజవాహనప్రముఖదశకుమారజననప్రకా
రంబును దివ్యవాగుపదేశక్రమంబున వారలు దిగ్విజయార్థం
బరుగుటయు వింధ్యాటవీమధ్యంబున మాతంగకుం డను
సాధకునకుఁ గ్రియాసహాయత్వంబు ననుష్ఠింపం బూని
రాజవాహనుండు చెలుల వంచించి చనుటయుఁ దదన్వేష
ణార్థంబుగాఁ దక్కినకుమారులు దిక్కులను బెక్కుముఖం
బులం బోవుటయు దైవయోగంబున బిలంబు సాధించి
వెలువడివచ్చి పుష్పోద్భవసోమదత్తులంగలసి రాజవాహనుం
డుజ్జయినీపురంబునకుం బోయి తత్పతియైన దర్పసారుని చెలి
యలి నవంతిసుందరి యను కాంతారత్నంబుం గపటో
పాయంబునం బరిణయంబగుటయుఁ గొండొకకాలంబునకుఁ
