ఈ పుట అచ్చుదిద్దబడ్డది
దశమాశ్వాసము
శ్రీస్తనమండన మేదుర
కస్తూరీబహుళకాంతికవిబుధవక్ష
శ్శస్తహరిచరణకమలో
పాస్తికృతస్వస్తి! తిక్కనామాత్యుఁ డొగిన్.1
వ. రాజవాహన ధరాధీశ్వరుండు.2
క. నీవర్తనంబు చెప్పుము
నావుడు నతఁ డెంతయున్ వినయమునఁ బ్రణతుం
డై వచనరచన యొప్ప మ
హీవరునకు విన్నవించె ని ట్లని ప్రీతిన్.3
వ. ఏను దేవర వెదకి వివిధపురపట్టణగ్రామపల్లీఖేటకంబులం
గ్రుమ్మరుచుండి యొక్కనాఁడు.4
క. వినుతమగు దామలిప్తం
బను నగరముపొంత మధుకరామోదభరం
బున నల్లఁ బొలయు పవనుని
తనుపున నింపారు తోఁట దరియం జనుచోన్.5
క. పంచమహాశబ్దంబులు
వించు ననంతరమ సుచిరవిద్యుల్లేఖా
సంచయ మనుకరణిం దో
తెంచెం దరుణీ[1]జనంబు దృష్టికిఁ బ్రియ మై.6
- ↑ చయంబు
