అష్టమాశ్వాసము
233
బాంధవముపేర్మిఁ బ్రాపుగా నేతెంచి
తొంటికోర్కిఫలము గంటి నధిప!92
చ. అన విని రాజవాహనధరాధిపుఁ డక్కట! దైవ మిట్లు నే
ర్పునకు సహాయమైన తలఁపుల్ దలకూడుట యింత యొప్పునే
యని ప్రమతిం గనుంగొని ముఖాంబురుహం బలరంగ నీదుకీ
ర్తన మెటు లన్న నాతఁ డనురాగమునం బ్రణమిల్లి యి ట్లనున్.93
చ. అనితరగమ్యవాఙ్మయమహార్ణవవర్తనకర్ణధార! స
జ్జనధరణీరుహోత్కరవసంత! వికారవిదూరచిత్త!
జనయవిధాప్రయోజనవిశారద! శారదమేఘకాంతిభం
జనపటుకీర్తిజాల! కులసత్తమ! యాజకమండలోత్తమా!94
క. ఆర్జితబహువిధపుణ్యా!
నిర్జితదేవేంద్రవిభవ! నిరుపమమూర్తీ!
వర్జితదుర్జనసంగ! ప్ర
తర్జితకలిదోష! సతతదానవినోదీ!95
మాలిని. మతివిజితసురేజ్యా! మాన్యకామ్యైకరాజ్యా!
వితరణరవిపుత్రా! విద్వదంభోజమిత్రా!
వితతగుణసముద్రా! విశ్రుతాచారముద్రా!
రతిపతిసమరూపా! బ్రౌఢవిజ్ఞానదీపా!96
గద్యము. ఇది సకలసుకవిజనప్రసాదవిభవ విలస దభినవదండి
నామధేయవిఖ్యాత కేతనార్యప్రణీతం బైన దశకుమార
చరిత్రం బను మహాకావ్యంబునం దష్టమాశ్వాసము.
