232
దశకుమారచరిత్రము
కొని వచ్చు గరుడిచందం
బునఁ దెచ్చితి నతివలున్న భూగృహమునకున్.86
ఆ. అపుడు సంభ్రమించు నబలలఁ బోకుండ
నాఁగఁ బూర్ణచంద్రు నప్పగించి
కళవళంబువలనఁ గాకుండ మద్గృహం
బునకు నానృపాలతనయుఁ దెచ్చి.87
క. జనకునకుఁ జూపి చంపెద
నని కడఁగినఁ దల్లి వచ్చి యడ్డపడిన నా
తనిఁ జెఱ నిడి యెఱింగింపం
బనిచితి మస్మత్పదాతిపరిజనములకున్.88
మ. జనకుం డగ్గల మైన నేను గడు నుత్సాహంబునన్ మున్ను గూ
ర్చినదానం బుర మెల్ల వ్రేల్మిడిని వచ్చెం గాన నేనప్డు శ
త్రునికాయంబులఁ బట్టఁ బంచి యలుకం దున్మించి యాపూర్ణచం
ద్రుని రావించి నయంబు విక్రమము నుద్యోగంబు సంధిల్లఁగన్.89
వ. మఱునాఁడు.90
ఉ. ఎల్ల ఱెఱుంగఁ దండ్రికి మహీపతి పట్టము గట్టి వేడ్క ను
త్ఫుల్లసరోజనేత్రియగు భూపకుమారికఁ బెండ్లియాడి శో
భిల్లెడు రాజ్యసంపదలఁ బేర్చియు భూవర! నిన్నుఁ గొల్వగా
నుల్లము గోర్కులం బెనఁగి యుత్తల మందుచు నుండ నున్నెడన్.91
ఆ. చండవర్ముఁ డిట్లు చంపాపురంబుపై
వచ్చుటయును సింహవర్ముతోడి
