ప్రథమాశ్వాసము
3
వ. అని యిష్టదేవతాప్రార్థనంబును సుకవిచరణాభివందనంబు
నుం జేసి నారచియింపం బూనినకృతి కధీశ్వరుండైన కొట్ట
రువు తిక్కనామాత్యునకు నిజస్థానంబగు విక్రమసింహ
పురంబు వర్ణించెద.10
సీ. కరిఘటానిలయంబు తురగజన్మస్థలి
సుభటనివాసంబు సుకృతకర్మ
కర్మఠద్విజగణాకరము రాజన్యవం
శావాస మర్యవర్యాశ్రమంబు
కర్షకాగారంబు కవిబుధసదనంబు
సుందరీశృంగారమందిరంబు
ధనధాన్యసంగ్రహస్థానంబు ధర్మద
యాచారవిద్యావిహారభూమి
తే. తైలఘృతలవణాదిసద్ద్రవ్యపాల
మమలబహువిధరత్నరత్నాకరంబు
మధుజలపూరకాసారమండలంబు
నాఁగ విగ్రమసింహాఖ్యనగర మొప్పు.11
వ. అట్టి విక్రమసింహనగరంబున కధీశ్వరుండును రాజవేశ్యా
భుజంగనామాంకితుండును నైన మనుమసిద్ధిమహీవల్లభు
వంశావళివర్ణనం బెట్టి దనిన.12
క. సవితృకులంబున మును రా
ఘవకరికాళాదినృపనికాయముపిదపన్
బ్రవిమలయశోవిరాజత
భువనుండగు మనుమసిద్ధి భూపతి వుట్టెన్.13
