పంచమాశ్వాసము
131
యెన్నంజాలు కుబేరదత్తసుత నే నింసార మాతండ్రి తా
నన్నుం బెండిలి సేయ వేడ్క పడి నానాబంధుసంప్రీతితోన్.76
క. ధనమిత్రుం డను సెట్టికి
నను వాగ్దత్తంబు సేసినం దద్గుణవ
ర్తనరూపవిలాసంబులు
వినియుం గనియును మనంబు వేడుక పొందెన్.77
వ. అంత.78
క. తనతండ్రి యైన వసుమి
త్రునిపిమ్మట నతులకీర్తిదోహలి యై త
ద్ధనవర్గంబుం గతిపయ
దినములలోనన యతండు దీనుల కిచ్చెన్.79
వ. ఇ ట్లుదారతారూఢుం డై నూరిజనంబులచేత నుదారుం
డను పేరు వడసి.80
క. తనకుఁ గల యర్థ మంతయు
ననురాగముతోడ నిచ్చి యర్థులచే ని
ర్ధనవృత్తిఁ జెట్ట గొనియెనొ
యనఁగ నుదారుండు లేమి కనుగల మయ్యెన్.81
వ. ఇవ్విధంబున హీనధనుం డైన నీ నొల్లక మదీయజన
కుండు.82
క. అర్థపతి యనఁగ నిం దొకఁ
డర్థపతిప్రతిముఁ డున్న నతనికి సతిఁ గాఁ
బ్రార్థించి యిచ్చువాఁ డై
యర్థాదేశమున నుచిత మారయఁ డయ్యెన్.83
