130
దశకుమారచరిత్రము
భోజనంబు లాచరించి ధనంబు సవరింప మనంబునం జలం
బెత్తి మ్రుచ్చిమి వెలిగా శీఘ్రోపాయం బొండు లేదని
నిశ్చయించి.70
ఉ. వానికతంబునం బురమువారలలోపల నర్థవంతులన్
హీనుల నేర్పడం దెలిసి యిండులకందువ కేఁగి పొందులుం
గోనలుఁ జూచునంత రని గ్రుంకి పదంపడి తోడుతోడఁ బె
ల్లె నిఖిలంబునుం దనమయంబుగ సంతమసంబు వచ్చినన్.71
చ. పొయి తల నీలిదిం డొలికిబూడిద ముండులబంతి గాలచీ
రయు సెలగోల కత్తి భ్రమరమ్ముల క్రోలును మైలమందు గొ
య్యయు నురి గ్రొంకి నారసము నాదిగఁ గల్గిన సాధనంబుల
న్నియు సమకూరఁ జేసికొని నేర్పున నేఁగితి మ్రుచ్చు ప్రొద్దునన్72
క. చని గంటి పెట్టి యే నొక
ధనవంతుని యిల్లు సొచ్చి ధనమంతయుఁ గై
కొని వచ్చివచ్చి మణిగణ
కనదాకల్పయగు నొక్కకాంతం గంటిన్.73
వ. కని డాయం బోయి.74
శా. ఈకాంతం బగు భూషణప్రతతితో నీచీఁకటిన్ శంక లే
కేకాంతంబున నిట్టి నట్టనడురే యెచ్చోటికిం బోయె దా
లోకింపం గడుఁ జోద్యమైనయది వాలుంగంటి! సంప్రీతితో
నాకుం జెప్పుము నావుడున్ వడఁకు మేనం బుట్టఁగా ని ట్లనున్.75
శా. అన్నా! యిన్నగరంబులోపల ధనాధ్యక్షుండునుంబోలె సం
పన్నశ్రీయుతుఁ డై వణిగ్జనులలోఁ బ్రఖ్యాతచారిత్రుఁ డై
