శ్రీరస్తు
దశకుమారచరిత్రము
ప్రథమాశ్వాసము
శ్రీరమణీగృహాంగణము చెన్ను వహింప న[1](లంకరింపఁ)గాఁ
దోరణముం బ్రదీపమును దోహలియై యొడఁగూర్చె నాఁ (దగం)
(?)జేరి యురంబునందుఁ దులసీవనమాలయుఁ గౌస్తుభంబు నొ
ప్పారఁగ నుల్లసిల్లు హరి యన్నమతిక్కని ధన్యుఁ జేయుతన్.1
ఉ. హారికపర్దకాంచనమయాచలసానువునందు నిర్జర
స్ఫారవిలాసముం గలుగు జాహ్నవిఁ దాల్చిన శంకరుండు నీ
హారకరావతంసుఁ డణిమాదిగుణప్రదవీక్షణుండు ది
క్పూరితకీర్తిశాలి యగు కొమ్మయతిక్కని గాచుఁగావుతన్.2
ఉ. విప్రకులప్రధానుఁడు పవిత్రచరిత్రు డుదాత్తవేదవి
ద్యాప్రతిపాలకుండు విబుధప్రకరాభిమతార్థసంవిధా
నప్రవణుండు సద్గుణసనాథుఁ డజుం డనిశంబు నాత్మసా
మ్యప్రతిపత్తిఁ దిక్కనిఁ జిరాయురధిష్ఠితకాయుఁ జేయుతన్.3
క. మేదుర తేజోరాజిత
రోదోవివరుండు కొట్టరువుతిక్కనికిన్
వేదత్రితయాత్మకునకు
నాదిత్యుం డొసఁగుఁగాత మభ్యుదయంబుల్.4
- ↑ N.B.—వ్రాఁతప్రతిలో లేనివానికెల్ల () కుండలీకరణము చేయబడినది.
