చతుర్థాశ్వాసము
93
క. మీవీటిమ్రుచ్చు లేవురు
మావీటం గన్న పెట్టి మణిభూషణముల్
గోవతనంబునఁ దెచ్చిరి
నీ విటు సేయించు టెల్ల నేరము కాదే.24
క. అని యిబ్భంగిఁ బలుక నతఁ
డనియె నిజం బెఱుఁగ కాడ నగునే మీకున్
ధన మది మ్రుచ్చులు వీ రని
కని పలుకుఁడు మిన్న కేల కాఱులు ప్రేలన్.25
క. అనిన విని వార లి ట్లని
రనుమానము లేదు మ్రుచ్చు లందఱు నిట వ
చ్చిన నెఱిఁగి వచ్చితిమి నీ
పెనుపులు లాటేశు నలుక పెనఁచిన మేలే.26
వ. అని ముట్టం బలికిన మానపాలుండు కోపించి.27
క. లాటపతి యెవ్వఁ డాతని
పో టేటిది వాని తోడి పొం దేమిటికిం
జీటికి మాటికి నీ క్రియ
ద్రోటికిఁ బడనేల వెడలఁదోలుఁడు వీరిన్.28
మ. అని త్రోపించిన వారు త్రోపువడి రోషావేశ మేపార వే
చని నిక్కంబును బొంకునుం బొరయ నస్తవ్యస్తము ల్సెప్పఁగా
విని లాటేశుఁడు నీతి పోవిడిచి దోర్వీర్యంబు పాటించి కో
పనుఁ డై కానక యల్పసైనికులతోఁ బై వచ్చె గర్వంబునన్.29
వ. ఇట్లు చనుదెంచి వీడు ముట్టిన నటమున్న కృతనిశ్చయుం
డై పరివారంబునుం దానును సాహసంబు వాటించి యుని
