ఈ పుట ఆమోదించబడ్డది
రేకు: 0115-05 ముఖారి సం: 02-089 హరిదాసులు
పల్లవి: ఏలోకమందున్నా నేమి లేదు
తాలిమి నందుకుఁదగ్గ దావతే కాని
చ. 1: సురల కసురలకు సూడునుఁ బాడునే కాని
పొరసి సుఖించఁగఁ బొద్దు లేదు
ధరలో ఋషులకు తపము సేయనే కాని
మరిగి భోగించఁగ మరి పొద్దు లేదు
చ. 2: గక్కన సిద్ధులకైనా గంతయు బొంతయే కాని
చిక్కి పరుసము గలిగి సెలవు లేదు
రెక్కలుగల పక్షికి రేసుతిమ్మటలే కాని
చక్క వైకుంఠాన కెగయ సత్తువ లేదు
చ. 3: సకల జంతువులకు జన్మాదులే కాని
అకటా నిత్యానంద మందలేదు
వెకలి శ్రీవేంకటేశువిష్ణుదాసులకే మంచి-
సుకములెల్లాఁ గలవు సుడివడలేదు
