ఈ పుట ఆమోదించబడ్డది
రేకు: 0115-04 గుండక్రియ సం: 02-088 శరణాగతి
పల్లవి: ఏ పురాణముల నెంత వెదకినా
శ్రీపతిదాసులు చెడరెన్నఁడును
చ. 1: హరివిరహితములు అవి గొన్నాళ్ళకు
విరసంబులు మరి విఫలములు
నరహరిఁ గొలిచిటు నమ్మిన వరములు
నిరతము లెన్నఁడు నెలవులు చెడవు
చ. 2: కమలాక్షుని మతిఁగానని చదువులు
కుమతంబులు బహుకుపథములు
జమళి నచ్యుతుని సమారాధనలు
విమలములే కాని వితథముగావు
చ. 3: శ్రీవల్లభుగతిఁ జేరని పదవులు
దావతులు కపటధర్మములు
శ్రీవేంకటపతి సేవించు సేవలు
పావనము లధికభాగ్యపు సిరులు
