ఈ పుట ఆమోదించబడ్డది
రేకు: 0115-01 శంకరాభారణం సం: 02-085 నామ సంకీర్తన
పల్లవి: నాటికి నాఁడు గొత్త నేటికి నేఁడు గొత్త
నాటకపు దైవమవు నమో నమో
చ. 1: సిరుల రుక్మాంగదుచేతి కత్తిధారఁ దొల్లి
వరస ధర్మాంగదుపై వనమాలాయ
హరి నీకృపకలిమి నట్లనే అరులచే
కరిఖడ్గధార నాకుఁ గలువదండాయ
చ. 2: మునుప హరిశ్చంద్రు మొనకత్తిధారఁ దొల్లి
పొనిఁగి చంద్రమతికిఁ బూవుదండాయ
వనజాక్ష నీకృపను వరశత్రులెత్తి నట్టి-
ఘనఖడ్గధార నాకుఁ గస్తూరివాటాయ
చ. 3: చలపట్టి కరిరాజు శరణంటే విచ్చేసి
కలుషముఁ బెడఁబాపి కాచినట్టు
అలర శ్రీవేంకటేశ ఆపద లిన్నియుఁ బాపి
యిల నన్నుఁ గాచినది యెన్నఁ గతలాయ
