ఈ పుట ఆమోదించబడ్డది
రేకు: 0114-06 కాంబోది సం: 02-084 వైరాగ్య చింత
పల్లవి: చెల్ల నెక్కికొంటివిగా జీవుఁడ యీబలుకోటా
బల్లి దుఁడ నీకు నేఁడు పట్టమాయఁ గోటా
చ. 1: తొమ్మిది గవనులైన దొడ్డతోలుఁ గోటా
కొమ్ముల చవుల మూల కొత్తళాల కోటా
వమ్ములేని మెడవంపు వంకదార కోటా
పమ్మి పగవారినెల్లా పట్టుకొన్న కోటా
చ. 2: తలవాకిలి దంతపుతలుపుల కోటా
తలిరుఁ జేతుల పెద్దదంతెనాల కోటా
వెలియాసలనే దండువిడిసిన కోటా
గులుగై యింద్రియములు కొల్ల గొన్న కోటా
చ. 3: నడచప్పరములనే నలువైన కోటా
జడిసిన చెవుల మించు సవరణ కోటా
పడనిపాట్లఁ బడి ఫలియించెఁ గోటా
యెడమిచ్చి శ్రీవేంకటేశుఁ డేలేఁ గోటా