ఈ పుట ఆమోదించబడ్డది
రేకు: 0101-06 ఆహిరి సం: 02-006 వైరాగ్య చింత
పల్లవి: ఇందులో మొదలికర్త యెవ్వఁడు లేఁడు గాఁబోలు
ముందు కరివరదుఁడే ముఖ్యుఁడు గాఁబోలు
చ. 1: ఆడితిఁబో బహురూపా లన్నియోనులఁ బుట్టి
తోడనె బ్రహ్మాదులనే దొరలెదుటా
జాడలు మెచ్చాలేరు చాలునన్నవారులేరు
వేడుక నడవిఁగాసే వెన్నెలాయ బ్రదుకు
చ. 2: అన్నికర్మములుఁ జేసి ఆటలో బ్రాహ్మణుఁడనైతిఁ-
నన్ని వేదములనేటి యంగడివీధి
నన్నుఁ జూచేవారు లేరు నవ్వేటివారు లేరు
వన్నెలసముద్రములో వానలాయ బ్రదుకు
చ. 3: సంసారపునాటకసాలలో ప్రతిమనైతి
కంసారి శ్రీవేంకటపతి మాయలోన
యింస లిన్నియుఁ దేరె నిందరుఁ జుట్టములైరి
హంసచేతి పాలునీరునట్లాయ బ్రదుకు
