ఈ పుట ఆమోదించబడ్డది
రేకు: 0107-04 భూపాళం సం: 02-040 వైరాగ్య చింత
పల్లవి: హరివారమైతిమి మ మ్మవుఁగాదనఁగరాదు
తరముగా దిఁకను మాతప్పులు లోఁగొనరో
చ. 1: వెన్నడించి సూడువట్టే విష్ణుమాయ నీకు నేము
యిన్నిటాఁ బంతమిచ్చేము యింకఁ గావరో
నన్నల వెట్టిగొనేటి సంసారబంధము నీకు
మున్నె కిందుపడితిమి ముంచి దయఁజూడవో
చ. 2: ఆడించేటి కామక్రోధాది జూజరులాల
వోడితిమి మీకుఁ దొల్లె వొరయకురో
వీడని కర్మము నీకు వెఱచి పూరి గఱచే-
మీడనే ధర్మదార మా కిఁకనైనాఁ బట్టవో
చ. 3: దక్కఁగొన్న మాలోని తనుభోగములాల
మొక్కితిమి మాకుఁ గొంత మొగమోడరో
యెక్కువ శ్రీవేంకటేశు డేలే మాజన్మములాల
గక్కన వేఁడుకొంటిమి కపటాలు మానరో
