ఈ పుట ఆమోదించబడ్డది
రేకు: 0178-04 గుండక్రియ సం: 02-389 వైరాగ్య చింత
పల్లవి:
అదియేల తా మాను మాయందు నిష్టూరమే కాక
చెదరి విత్తొకటియుఁ జెట్టొకటి యౌనా
చ. 1:
కడుఁ బుణ్యపాపాలు గలిగిన జన్మము
చెడుఁ బుణ్యపాపాలు సేయకుండీనా
పుడమిలో ముష్టిమానఁ బొడమిన శాఖలు
బడి ముష్టిపండ్లై పండకుండీనా
చ. 2:
పంచేంద్రియాలఁ బుట్టి పరగిన యీమేను
పంచేంద్రియాలమీఁది భ్రమ మానీనా
పొంచి హేయములోనఁ బుట్టిన కీటములెల్ల
కొంచి హేయమే చవిగొనకుండీనా
చ. 3:
శ్రీవేంకటేశ నీవుచేసిన యీమాయలు
నీవల్ల మానుఁ గాక నేఁ గర్తనా
దైవమవై నాలోనఁ దగిలి నాదుర్గుణాలు
వేవేగ మానుపఁగ వెతదీరెఁ గాక
