ఈ పుట అచ్చుదిద్దబడ్డది
రేకు: 0173-05 దేసాక్షి సం: 02-360 అధ్యాత్మ
పల్లవి: నీవు వెట్టినట్టి చిక్కు నీవే తెలుపవలె
నావశమా తెలియ నారాయణా
చ. 1: నీటిలోన నొకబుగ్గ నిమిషములోనఁ బుట్టి
కోటిసేసినట్లుండుఁ గొంతవడి
పాటించి యందే యడఁగెఁ బ్రకృతియో బ్రహ్మమో
యేఁటిదో వీని యర్థ మెరిఁగించవయ్య
చ. 2: ఆకసాన నొకగాలి అట్టె మ్రోయుచుఁ బొడమి
లోకము సేయ విసరు లోలోనె
మైకొని యందే యడఁగె మాయయో సత్యమో
యీకడ నీయర్థము మా కెఱిఁగించవయ్య
చ. 3: భూమిలోన మొలకలు పుట్టుచు శ్రీవేంకటేశ
వాములై వెలయు నేసేవారికి
ఆముక యందే యడఁగె అసత్తో ఇది సత్తో
యేమో యీయర్థము మా కెరిఁగించవయ్య
