ఈ పుట ఆమోదించబడ్డది
రేకు: 0106-04 లలిత సం: 02-034 అంత్యప్రాస
పల్లవి: కరుణించు మిఁకనైన కాఁపురమా
కరికరిఁ బెట్టుకుమీ కాఁపురమా
చ. 1: కలలోని సుఖమైన కాఁపురమా
కలుషమే చవియైన కాఁపురమా
కలను బేహారపు కాఁపురమా
కలఁడు మా కిదే హరి కాఁపురమా
చ. 2: గంట వేఁటలో తగులు కాఁపురమా
కంట వత్తివెట్టి కాచే కాఁపురమా
గంటుగిందుగాఁ బొరలే కాఁపురమా
కంటిమి శ్రీపతికృప కాఁపురమా
చ. 3: కావిరి వెఱ్ఱి చేరాయి కాఁపురమా
కావలసినట్లయ్యే కాఁపురమా
శ్రీవేంకటేశ్వరుఁడు చేరి నిన్ను నన్ను నొక్క-
కైవశము సేసెఁగదో కాఁపురమా