ఈ పుట ఆమోదించబడ్డది
రేకు: 0164-06 శ్రీరాగం సం: 02-311 శరణాగతి
పల్లవి: ఇట్టివాఁడవు సులభమెట్లా నైతివోకాక
అట్టి నీదయ దలఁచి అరుదయ్యీ నాకు
చ. 1: యేమేమి చదువవలె నెందరి నడుగవలె
ఆముక నిన్నుఁ దెలిసే యందుకొరకు
భూమిలోన నెంతేసి పుణ్యములు సేయవలె
కామించి నీపై భక్తి గలిగేటికొరకు
చ. 2: యెన్నిజన్మా లెత్తవలె నెందెందు వెదకవలె
కన్నుల నీసాకారము గనేకొరకు
వున్నతి నెంతగాలము వొగ్గి కాచుకుండవలె
విన్నవించి నీసేవ వేఁడుకొనేకొరకు
చ. 3: యేదేది యెఱఁగవలె యెట్లభ్యసించవలె
నీదాసుఁ డనిపించుకొనేటికొరకు
సాదరాన శ్రీవేంకటేశ్వర నన్ను మన్నించితి-
వేదెసఁ బొగడవలె యింత సేసేకొరకు
