ఈ పుట ఆమోదించబడ్డది
రేకు: 0164-05 శ్రీరాగం సం: 02-310 అధ్యాత్మ
పల్లవి: దైవమా నీ వొక్కఁడవే దక్కిన ధనము గాక
యీవలానావలా మఱి యెంచ నేమున్నది
చ. 1: పుట్టినవారికెల్లా పొత్తుల దీజగము
మెట్టికూచుండే యరఁగు మేదినియల్లా
బట్టబయటి భోగాలు బంతికూటిబోజనాలు
పట్టి తమపని యేరుపరచ నేమున్నది
చ. 2: పంచుకొన్నభాగాలు పంచమహాభూతాలు
పంచేంద్రియములే పరివారాలు
యెంచి నడచేకాలమే యిందరికి నుంబళి
తెంచి యెచ్చుకుందు లిందుఁ దెలుప నేమున్నది
చ. 3: మనోవికారాలు మానుషపు టెఱుకలు
వినోదమాత్రాలు వేడుకలెల్లా
యెనలేని శ్రీవేంకటేశ నీమహిమ లివి
వెనకా ముందరా విన్నవించ నేమున్నది
