ఈ పుట ఆమోదించబడ్డది
రేకు: 0105-05 దేసాక్షి సం: 02-029 అధ్యాత్మ
పల్లవి: మఱి హరిదాసుఁడై మాయలఁ జిక్కువడితే
వెఱపించఁబోయి తానే వెఱచినట్లవును
చ. 1: శూరుఁడైనవాఁ డేడఁజొచ్చిన నడ్డము లేదు
ఆరీతి జ్ఞానికి విధు లడ్డము లేవు
కారణాన నప్పటినీఁ గలిగెనా నది మరి
తేరిన నీళ్ల వండు దేరినట్లవును
చ. 2: సిరులరాజై తే నేమిసేసిన నేరమి లేదు
పరమాధికారియైతేఁ బాపము లేదు
అరసి తనకుఁదానే అనుమానించుకొనెనా
తెరువే పోఁ సుంకరిఁ దెలిపినట్లవును
చ. 3: భూమెల్ల మేసినా నాఁబోతుకు బందె లేదు
నేమపుఁ బ్రపన్నునికి నింద లేదు
యీమేర శ్రీవేంకటేశ్వరుని శరణని
సోమరి కర్మమంటితే జుంటీఁగ కతవును
