ఈ పుట ఆమోదించబడ్డది
రేకు: 0101-01 కాంబోది సం: 02-001 అధ్యాత్మ
పల్లవి: విచారించు హరి నావిన్నప మవధరించు
పచారమే నాది గాని పనులెల్లా నీవే
చ. 1: తనువు నాదెందుఁ గాని తనువులో నింద్రియములు
అనిశము నాచెప్పినట్టు సేయవు
మనసు నాదెందుఁ గాని మర్మము నాయిచ్చరాదు
పనివడి దూరు నాది పరులదే భోగము
చ. 2: అలరి నానిద్దుర నాదెందుఁ గాని సుఖమెల్ల
కలలోని కాఁపిరాలకతల పాలె
తెలివి నాదెందుఁ గాని దినాలు కాలము సొమ్ము
యెలమిఁ బేరు నాది యెవ్వరిదో బలువు
చ. 3: కర్మము నాదెందుఁ గాని కర్మములో ఫలమెల్ల
అర్మిలి నాజన్మముల ఆధీనమె
ధర్మపు శ్రీవేంకటేశ దయానిధివి నీవు
నిర్మితము నీదింతే నేరుపు నీమాయది