ఈ పుట ఆమోదించబడ్డది
రేకు: 0117-06 లలిత సం: 02-102 వేంకటగానం
పల్లవి: ఎన్నఁడొకో బుద్ధెరిఁగి యీడేరేది జంతువుల
యిన్నిటా నీమహిమలు యెదిరించి వున్నవి
చ. 1: కావించి నీపాదతీర్థగంగ ప్రవాహమైనది
పావనులై యిందరిని బ్రదుకుమని
లావుగా నీప్రసాదతులసి నారువోశున్నది
వేవేలు పాతకాలెల్ల విదళించుమనుచు
చ. 2: చింతల నీమూర్తులు శిలాశాసనాలైనవి
పంతముతోఁ గొలిచిట్టె బ్రదుకుమని
బంతినే నీనామములు ప్రతిధ్వనులై వున్నవి
దొంతులైన భవముల తుద గనుమనుచు
చ. 3: అందరికి నీసేవలు హస్తగతాలై వున్నవి
బందె దీర నీకు మ్రొక్కి బ్రదుకుమని
అందపు శ్రీవేంకటేశ అంతరాత్మవై వున్నాఁడ-
వెందు చూచిన విజ్ఞాన మింద కొండో యనుచు
