ఈ పుట అచ్చుదిద్దబడ్డది
రేకు: 0217-05 బౌళి సం: 03-094 రామ
పల్లవి:
రామా దయాపరసీమా అయోధ్యపుర
ధామా మావంటివారి తప్పులు లోఁగొనవే
చ. 1:
అపరాధియైనట్టి యాతని తమ్మునినే
కృపఁ జూపితివి నీవు కింకలు మాని
తపియించి యమ్ముమొన దారకుఁ జిక్కినవాని
నెపానఁ గాచి నిడిచి నీ వాదరించితివి
చ. 2:
సేయరాని ద్రోహము సేసిన పక్షికి నీవు
పాయక అప్పటి నభయ మిచ్చితి
చాయ సేసుకొని వుండి స్వామిద్రోహిఁ జెప్పనట్టి-
తోయపుటేటెని మంచితోవనే పెట్టితివి (?)
చ. 3:
నేరము లెంచవు నీవు నీదయే చూపుదుగాని
బీరపు శరణాగతబిరుద(వు?) నీవు
చేరి నేఁడు నిలుచుండి శ్రీవేంకటాద్రిమీఁదఁ
గోరిన వరములెల్లా కొల్ల లొసఁగితివి