ఈ పుట అచ్చుదిద్దబడ్డది
రేకు: 0215-05 సామంతం సం: 03-089 అధ్యాత్మ
పల్లవి:
దేవా నీమాయ తెలియనలవి గాదు
భావభేదముల భ్రమసితిని
చ. 1:
జననం బొకటే జంతుకుల మొకటే
తనువికారములే తగఁ బెక్కు
దినములు నివియే తివిరి లోకమిదె
పనులే వేరయి పరగీని
చ. 2:
మాఁటలు నొకటే మనసులు నొకటే
కోటులసంఖ్యలు గుణము లివి
కూటము లిట్లనె గురిఁ గాముఁ డొకఁడె
మేటి వలపులకె మేరలే లేవు
చ. 3:
జ్ఞాన మొకటే యజ్ఞానము నొకటే
నానామతములు నడచీని
ఆనుక శ్రీవేంకటాధిప నీకృప
తానే మమ్మిటు తగఁ గాచీని
