ఈ పుట అచ్చుదిద్దబడ్డది
రేకు: 0214-01 ధన్నాసి సం: 03-079 వైరాగ్య చింత
పల్లవి:
కటకటా యేమిటాను కడవర గానఁడిదే
నిటలపు వ్రాఁత యెట్టో నిజము దెలియదు
చ. 1:
బాదల సంసారము పరవంజుకొని తొల్లి
యేది నమ్మి పాటువడె నీ జీవుఁడు
గాదెల కొలుచుగాఁగఁ గట్టుకొని కర్మములు
యేదెస చొచ్చీనో కాని యీ ప్రాణి
చ. 2:
కాఁపురమై తమ తల్లి కడుపున వచ్చి పుట్టె
యే పని గలిగెనో యీ దేహి
కాపాడీ నిక్షేపాలు కడునాసతోఁ బాఁతి
యే పదవిఁ దానుండునో యీ జంతువు
చ. 3:
దవ్వుల యమబాదలు దలఁచి వెరవఁడిదె
యెవ్వరి సలిగెనమ్మో యీ జీవి
రవ్వగా శ్రీవేంకటాద్రిరాయఁడు మన్నించఁగాను
యివ్వల బతికెఁగాక యెవ్వఁడోయి తాను