ఈ పుట అచ్చుదిద్దబడ్డది
రేకు: 0211-02 ముఖారి సం: 03-062 వేంకటగానం
పల్లవి:
తాము స్వతంత్రులు గారు తమయంతను
ఆమీఁదటి గురి అది నీవు
చ. 1:
యెలమి స్వర్గమేలేటి ఇంద్రునికినైనాను
అలమి కోరేటి ఫలమది నీవు
బలిమిఁ గైలాసమేలే పతి రుద్రునికినైనా
నిలుకడైన పదము నీ పదము
చ. 2:
యెక్కుడు సత్యలోకము యేలే బ్రహ్మకునైనా
ఇక్కువఁ జేరేచోటు యెందును నీవు
వెక్కసపుఁ బుణ్యముల వేదములకైనాను
అక్కరతో ముఖ్యమైన అర్థమెల్లా నీవు
చ. 3:
నాఁడు నాఁడే ముక్తులైన నారదశుకాదులకు
నేఁడును విహరించే నెలవు నీవు
పోఁడిమి శ్రీవేంకటేశ పోలించ నెవ్వరూ లేరు
మూడులోకముల నీవే మూలము నీవే