ఈ పుట అచ్చుదిద్దబడ్డది
రేకు: 0201-05 నాట సం: 03-005 వైష్ణవ భక్తి
పల్లవి:
దాసోహమను బుద్ధిఁ దలచరు దానవులు
యీసులకే పెనఁగేరు యిప్పుడూఁ గొందరు
చ. 1:
హరిచక్రము దూషించే యట్టివారే యసురలు
అరయఁ దామే దైవమన్నవారు నసురలే
ధర నరకాసురుడు తానె దైవమని చెడె
యిరవై యిది మానరు యిప్పుడూఁ గొందరు
చ. 2:
పురుషోత్తముని పూజ పాంతఁ బోరు అసురలు
సరవి విష్ణుని జపించనివారు నసురలే
హిరణ్యకశిపుఁడును యీతని నొల్లక చెడె
ఇరవై యీతని నొల్ల రిప్పుడూఁ గొందరు
చ. 3:
సురలును మునులును శుకాది యోగులును
పరమము శ్రీవేంకటపతి యనుచు
శరణని బ్రదికేరు సరి నేఁడు వైష్ణవులు
యెరపరికానఁ బొయ్యే రిప్పుడూఁ గొందరు