Jump to content

పుట:తాళ్ళపాక పదసాహిత్యం - మూడవ భాగం.pdf/563

వికీసోర్స్ నుండి
ఈ పుట అచ్చుదిద్దబడ్డది

రేకు: 0166-01 నాదరామక్రియ సం: 02-317 వైష్ణవ భక్తి


పల్లవి :⁠

ప్రపన్నులకు నిది పరమాచారము
విపరీతాచారము విడువఁగవలయు

⁠


చ. 1:⁠

భగవదపచారము భాగవతాపచారముఁ
దగులక దేవతాంతరము మాని
నగధరు శరణము నమ్మి యాచార్యుని
బగివాయనిదే పరమవైష్ణవము

⁠


చ. 2:⁠

దురహంకారము దుఃఖము సుఖమునుఁ
బొరయక ప్రాకృతులపొంతఁ బోవక
దరిశనాభిమానాన ధర్మము వదలక
పరిశుద్ధి నుండుటే పరమవైష్ణవము

⁠


చ. 3:⁠

ఉపాయాంతరము లొల్లక భక్తి చేపట్టి
యెపుడూఁ దీర్థప్రసాదేచ్ఛ తోడ
నిపుణత శ్రీవేంకటనిలయుఁడే గతియని
ప్రపత్తి గలుగుటే పరమవైష్ణవము

⁠